1Jo 2 | TNN | STEP | Rəhak nɨsualkələh mɨn, iatəte natɨmnat mɨn u kəm itəmat, matən-iəhau itəmat məmə onəsotolən nat tərat. Məto okəmə suah kit otol nolən rat, rəhatat kit əh-ikɨn etəm tatəghat rəhatat lan kəm Tata Uhgɨn, inu Iesu Kristo in Etəm Tətuatɨp.

1 John 2

Iesu Kristo in etəmim rəha nasituən etat

1 Rəhak nɨsualkələh mɨn, ^{▼▼2:11 Tes 2:11} iatəte natɨmnat mɨn u kəm itəmat, matən-iəhau itəmat məmə onəsotolən nat tərat. Məto okəmə suah kit otol nolən rat, rəhatat kit əh-ikɨn etəm tatəghat rəhatat lan kəm Tata Uhgɨn, ^{▼▼2:1Rom 8:34; 1 Tim 2:5; Hip 7:25} inu Iesu Kristo in Etəm Tətuatɨp. 2 In un, itəm təmol sakrifais atɨp e rəhan nəmegəhən o rəhatat nolən rat mɨn, kən o nat u, neməha otəsol mɨnən Uhgɨn. ^{▼▼2:2Rom 3:25; 1 Jon 4:10
,} ^{▼▼2:2Iesu in təmol sakrifais atɨp e nəmegəhən rəhan o rəhatat nolən rat mɨn, kən o nat əh, neməha təsol mɨnən Uhgɨn. Iesu in sakrifais, kən in pris mɨn itəm təmol sakrifais u. Iesu təsətapəhən o Uhgɨn məmə otən məmə kitat kəməsotolən nolən rat kit, məto tətapəh o Uhgɨn məmə otəplan kitat məmə kitat netəm rəhatat nolən rat mɨn kəmotos rəkɨs nalpɨnən. Neməha rəha Uhgɨn, Kristo in təmos, təmol sakrifais atɨp e rəhan nəmegəhən. Kən nat u, in tɨnahmen.} Kən təməsolən o rəhatat pɨsɨn əm nolən rat mɨn, məto rəha netəmim rafin agɨn-əh e nətueintən. ^{▼▼2:2Jon 3:17}

3 Kitat okotɨtun əsas məmə kotɨtun Uhgɨn ^{▼▼2:31 Jon 4:13; 5:2} okəmə kitat koatol nəwian. ^{▼▼2:3Nolən nəwian un, təsolən kitat kotətuatɨp, məto tatəgətun əm məmə kitat kotɨtun Uhgɨn.
,} ^{▼▼2:3Jon 14:15} 4 Etəm u tatən mə “Ekɨtun Uhgɨn,” ^{▼▼2:4Taet 1:16; 1 Jon 3:6; 4:7,8} məto təsolən nəwian, in ieiuə, kən nɨpahrienən tɨkə lan. ^{▼▼2:41 Jon 1:6,8} 5 Məto etəm un tatol rəhan nəghatən, ^{▼▼2:5-6Jon 14:15} nolkeikeən rəha Uhgɨn təmatɨg mɨnɨp wɨr pahrien e nɨkin. ^{▼▼2:51 Jon 4:12} Etəm u itəm tatən məmə tatəper-ipən lan, ^{▼▼2:5Nian tatən məmə suah kit tatəper-ipən e Iesu, nɨpətɨn u məmə in tətatɨg lan məsietən, tatɨsɨ-pən lan, tatətul-pən ron, tatos rafin nəsanənən rəhan ron, tatagɨle lan, tatɨlpɨn ilau min.} otəkəike mətəp suatɨp kitiəh əm itəm Iesu təmɨtəp. ^{▼▼2:5Mat 11:29} Nolən u tatəgətun əsas ^{▼▼2:51 Jon 2:3} məmə kitat koatatɨg lan. ^{▼▼2:5Jon 15}

Kitat kotəkəike motol nolkeikeən kəm kitat mɨn

7 Nɨkik keike mɨn, io esəteən nəghatən wi kit kəm itəmat məmə onəkotol, kən məto iatəte in oas ^{▼▼2:7Dut 6:5; Lev 19:18} itəm nəmotos rəkɨs e nətuounən, nian nəmotəto namnusən təwɨr; ^{▼▼2:71 Jon 2:24; 3:11,23; 4:21; 2 Jon 5,6} nəghatən oas u in nəghatən nɨnəmotɨtun. 8 Məto e nehmən kit mɨn, nəghatən u itəm iatəte tatɨmnə otəmat məmə onəkotol, in tatəuhlin məmə nəghatən wi, ^{▼▼2:8Jon 13:34} məto-inu kɨnəplan e suatɨp wi kit e nəmegəhən rəha Iesu ne rəhatəmat. Məto-inu roiu, napinəpən tɨnatagɨm, ^{▼▼2:8Rom 13:12} kənu nəhag-əhagən pahrien ^{▼▼2:8Jon 1:9} tɨnatasiə rəkɨs. ^{▼▼2:8Efes 5:8; 1 Tes 5:5}

9 Kən etəm u tatən mə in tətatɨg e nəhag-əhagən məto tatetəhau pian, ^{▼▼2:91 Jon 3:10,15,16; 4:20,21} in tətatɨg əh e napinəpən. ^{▼▼2:91 Jon 1:5} 10 Etəmim u itəm tolkeike pian, in tatətul e nəhag-əhagən, ^{▼▼2:101 Jon 3:14} kən nat kit tɨkə e nɨkin məmə otapitətəl lan, morin. ^{▼▼2:10Sam 119:165} 11 Məto etəmim u itəm tetəhau pian, in tətatɨg e napinəpən, ^{▼▼2:111 Jon 1:6} kən mətan e napinəpən, kən məruru ikɨn tatuwɨn-pən ikɨn, məto-inu napinəpən tatohamɨs nɨganəmtɨn. ^{▼▼2:11Jon 11:9; 12:35}

12 Rəhak nɨsualkələh mɨn, iatəte naoa u kəm itəmat,
məto-inu Uhgɨn təmafəl rəkɨs nolən rat mɨn rəhatəmat o nat u itəm Iesu təmol.
13 Tata mɨn, iatəte nat u kəm itəmat,
məto-inu itəmat nəmotɨtun in, itəm təmaupən matɨg e nətuounən. ^{▼▼2:13Jon 1:1}
Netəm aluə mɨn, iatəte nat u kəm itəmat,
məto-inu itəmat nəmotol win ^{▼▼2:13Jon 16:33} e etəm rat, Setan.
14 Nɨsualkələh, eməte nat u kəm itəmat,
məto-inun nəmotɨtun Tata Uhgɨn.
Tata mɨn, eməte nat u kəm itəmat,
məto-inu itəmat nəmotɨtun in, itəm təmaupən matɨg e nətuounən. ^{▼▼2:14Jon 1:1}
Netəm aluə mɨn, eməte nat u kəm itəmat,
məto-inu itəmat nakotəsanən, ^{▼▼2:14Efes 6:10} kən nəghatən rəha Uhgɨn tətatɨg e nɨkitəmat, kən nəmotol win e etəm rat, Setan. ^{▼▼2:141 Jon 2:13; Sam 119:9-11; Jon 5:38; Hip 4:12; 1 Jon 1:10}

Sotolkeikeən natɨmnat rəha nətueintən

15 Sotolkeikeən nətueintən ^{▼▼2:15Rom 12:2} o natɨmnat mɨn rəha nətueintən. Okəmə suah kit tatolkeike nətueintən, kən nolkeikeən rəha Tata Uhgɨn təsatɨgən e nɨkin. ^{▼▼2:15Jem 4:4} 16 Məto-inu natɨmnat rafin e nətueintən u, təsɨsɨ-pənən o Tata Uhgɨn, məto rəha nətueintən əm. Natɨmnat u rafin rəha nətueintən, ilat u, naumɨsən o natɨmnat rəha nɨpətɨtəm əm, ^{▼▼2:16Jen 3:6; Rom 13:14; Efes 2:3} kən naumɨsən o natɨmnat itəm tatiuw rəkɨs nɨganəmtɨtəm, ^{▼▼2:16Prov 27:20} ne nausitən o rəhan nautə mɨn ne nepətən. 17 Kən nətueintən u otəpanɨkə. Kən naumɨsən o nautə mɨn otəpanɨkə. Kən naumɨsən o nolən mɨn rəha nətueintən itəm koatiuw nətəlɨgən rəha netəmim otəpanotɨkə. ^{▼▼2:17Hip 12:27} Məto etəmim itəm tatol nəwia Tata Uhgɨn, ^{▼▼2:17Mat 12:50} in otətatɨg lilɨn.

Tɨkɨmɨr mɨn rəha Kristo kɨnotuwa rəkɨs

18 Nɨsualkələh, kotegu-pən e namnun nian. ^{▼▼2:18Rom 13:11} Nəmoatəto məmə tɨkɨmɨr kit rəha Kristo ^{▼▼2:18Tɨkɨmɨr rəha Kristo in ‘antichrist’ e Inglis.} otuwa. ^{▼▼2:181 Jon 2:22; 4:3; 2 Jon 1:7} Kən roiu tɨkɨmɨr mɨn rəha Kristo tepət, kɨnotuwa rəkɨs. ^{▼▼2:181 Jon 4:1} Tol nəhlan, kitat kotɨtun məmə inu, kɨnoategu-pən e namnun nian. 19 Netəm mɨn u, kəmotapəs rəhatat niməfak mɨn ^{▼▼2:19Wək 20:30} məto-inun ilat sənəmə rəhatat agɨn-əh mɨn. Okəmə rəhatat agɨn-əh mɨn, kəməsotietən etat. Məto ilat kəmotiet etat, məmə otəgətun məmə ilat sənəmə rəhatat mɨn.

20 Məto itəmat un, Etəm Tətuatɨp, in təmətəfiə ^{▼▼2:20Netəm Isrel kotətəfiə-pən e rəhn-kapə pris mɨn e oel, moatol kən tatəgətun məmə ilat u, sənəmə netəmim əpnapɨn əm, məto ilat u, netəmim rəha Uhgɨn əm, itəm in təmɨtəpun o nolən wək u. Kən e nolən kitiəh əm, Iesu in tatos-ipa Narmɨn Rəha Uhgɨn kəm netəm mɨn un itəm koatən nɨpahrienən lan, matəgətun məmə Kristo təmɨtəpun ilat mə rəhan əm. Netəm mɨn u itəm koatos nətəfiəən e Narmɨn Rəha Uhgɨn, in tahmen e nəmtətin kit məmə ilat u, rəhan mɨn netəmim. Tatətəfiə-in-pən Narmɨn Rəha Uhgɨn elat məmə ilat kotahmen-in nolən wək rəhan.} kəm itəmat e Narmɨn Rəha Uhgɨn, ^{▼▼2:201 Jon 2:27; 2 Kor 1:21-22} kən itəmat rafin nəkotɨtun nat u. 21 Iatəte nat u kəm itəmat, sənəmə nəkotəruru nɨpahrienən, məto itəmat nɨnotɨtun rəkɨs nɨpahrienən, kən motɨtun məmə nɨpahrienən təsoe-inən neiuəən. ^{▼▼2:212 Pita 1:12} 22 ?Pah u in ieiuə? Etəmim u itəm tatən məmə Iesu sənəmə in Kristo itəm Uhgɨn təmən məmə otahl-ipa. Etəmim u inu, in tɨkɨmɨr rəha Kristo. In təsənən nɨpahrienən e Tata Uhgɨn ne Nətɨn. ^{▼▼2:221 Jon 4:3; 2 Jon 1:7} 23 Etəm təsənən nɨpahrienən e Nətɨn təruru nosən Tata. Etəm tatən nɨpahrienən e Nətɨn, in tatos mɨn Tata Uhgɨn. ^{▼▼2:23Jon 8:19; 14:7; 1 Jon 4:15; 5:1; 2 Jon 1:9}

24 Pəs nat naka nəmotəto e nətuounən, nian nəmotəto namnusən təwɨr, otatəper-ipən əh etəmat tiəkɨs. Okəmə nat naka nəmotəto e nətuounən otatəper-ipən etəmat, kən itəmat onakoatəper-ipən e Nətɨn, ne Tata Uhgɨn. ^{▼▼2:24Jon 14:23; 15:4; 1 Jon 1:3; 2 Jon 9} 25 Kən nat u inu, nəmegəhən itulɨn, in təmən-iəkɨs məmə otos-ipa kəm kitat.

26 Iatəte nəghatən mɨn u kəm itəmat matən-iarəp netəm mɨn u itəm okotiuw rəkɨs itəmat. ^{▼▼2:261 Jon 3:7} 27 Məto itəmat u, nətəfiəən rəha Narmɨn Rəha Uhgɨn itəm nəmotos e Kristo, ^{▼▼2:271 Jon 2:20} in tətatɨg əh e nɨkitəmat. ?Tol nəhlan, pah mɨn tɨtun nəgətunən nat wi kit kəm itəmat? Narmɨn Rəha Uhgɨn tatəgətun natɨmnat rafin kəm itəmat, ^{▼▼2:271 Kor 2:12} kən nətəfiəən əh rəhan, in nɨpahrienən, sənəmə neiuəən. Tol nəhlan, otəper-ipən əskasɨk lan, ^{▼▼2:27Jon 15:4} tahmen-pən əm məmə in təməgətun itəmat məmə nəkotol.

28 Kən roiu əh, nɨsualkələh, otəper-ipən lan, məmə nian in otuwa ^{▼▼2:281 Jon 3:2; Kol 3:4} kən kitat kəsotəgɨnən məsotaulɨs-inən nɨganəmtɨn ^{▼▼2:28Efes 3:12} e rəhan nuwamən.

29 Okəmə nəkotɨtun məmə in tətuatɨp, ^{▼▼2:291 Jon 3:7} onəkotɨtun əsas məmə netəmim rafin itəm koatol nolən ətuatɨp, ilat u, nenətɨn mɨn. ^{▼▼2:29Jon 1:13}